نصائح ذهبيه لفترة الخطوبه 💍

٥ حاجات مهمه جدا جدا في فترة الخطوبه 🎊

___________

١- فترة الخطوبة هي فترة اكتشافكم لبعض فبلاش تقضوها رومانسيه وكلام جميل وان كل واحد يطلع احسن ما عنده للتاني، حاولوا تتعاملوا بطبيعتكم عشان تعرفوا تحطوا ايدكم على المشاكل الفعليه

٢- لو أى طرف حس في فترة الخطوبه انه مش قادر يكمل لأى سبب من الأسباب فلازم فورا يصارح الطرف التاني وبناءا على المصارحه دي يا إما يحلوا الموضوع ويكملوا يا اما بلاش 

٣- المشاكل في فترة الخطوبه أمر صحي تماما، لانها بتخليكوا تكتشفوا بعض اكتر فبلاش تقلقوا منها، اهم حاجه ان كل مشكله تعدي عليكوا تخليكوا تكتشفوا بعض اكتر وفي نفس الوقت تقفل مشكله ممكن تحصل في المستقبل 

٤- فترة الخطوبه مش المفروض تكون قصيره ولا المفروض تكون طويله، لو قصيره مش هتعرفوا بعض كويس ولو طويله هتملوا وهتبدأ تحصل بينكم مشاكل وهميه مالهاش لازمه

٥- اتكلموا مع بعض كتير في الفتره دي ، حاولوا تستغلوها عشان ترسموا حياتكم اللي جايه، احلامكم – طموحاتكم – نمط حياتكم – بيتكم هيكون عامل ازاى – هتتعاملوا مع بعض ازاى مستقبلا …..

___________

#يا_دبلة_الخطوبه

#حاجات_مهمة_جدا

#فترة_الخطوبه_هي_مرايه_للي_بعد_الجواز